Pacquiao dinomina si Algieri

BAGO pa nagsagupa sina Manny Pacquiao at Chris Algieri, nagbigay ng prediksiyon si Freddie Roach na patutulugin ni Pacman ang Kanong boksingero sa unang round.

Nabigo mang tapusin ni Pacquiao si Algieri sa Round One, hindi nadesmaya ang kanyang fans dahil sa kabuuan ng kanyang laro ay naging impresibo ang kanyang ipinakita.

Naipakita ni Pacquiao ang kanyang sinasabing pagbabalik ng kanyang gutom sa boksing at bagsik ng kanyang kamao nang pagulungin niya ng anim na beses ang kalaban.

Nakasalba man si Algieri sa 12 rounds, nagbubunyi ang fans ni Pacman sa buong mundo dahil kitang-kita ang pagbabalik ng bagsik ng kanyang kamao.

Katulad ng inaasahan, sa post interview kay Pacquiao ay natanong ang posibleng laban nila ni Floyd Mayweather Jr, at simple ang isinagot niya: ”He’s going to fight me?”

Ito ang dialog ni Pacman sa sumikat niyang FOOTLOCKER commercial na klarong patungkol kay Mayweather.

Ang isa pang umagaw na eksena sa malaking panalo ni Pacquiao ay nang ipakita sa camera si Mommy D na hawak ang rosaryo habang nakaluhod na nagdarasal.

Kantiyaw nga nga mga miron sa aming lugar nang makita ang eksenang iyon, ”Tiyak na magiging VIRAL iyon sa internet. Tiyak din na sasapawan nun ang impresibong panalo ni Pacquiao.

 

Alex L. Cruz