HATAW! D'yaryo ng Bayan hatawtabloid.com
ni Ed de Leon
OKEY lang naman daw para kay Maxene Magalona kung siya man ay isang kontrabida ngayon sa isang teleserye na mapapanood na ninyo sa prime time, iyongDream Dad na ang bida ay si Zanjoe Marudo at ang batang si Jana Agoncillo.
Ang totoo, nagustuhan daw niya ang role kaya tinanggap niya iyon at saka iyan nga ang seryeng ang lumalabas namang leading lady talaga ay ang batang si Jana. Maraming leading ladies diyan pero lumalabas na lahat nga sila ay support lang dahil kuwento iyon ng isang binata at isang bata na nakakita sa kanya ng isang dream dad.
Dati nga lagi siyang bida sa pinanggalingan niyang network, pero ganoon naman talaga ang buhay ng isang artista. Kailangan din naman pabago-bago ka ng role. Kahit na support siya ok iyan dahil mapapanood naman siya sa prime time ng regular, kaysa naman sa rati na pa-guest-guest na lang siya sa mga show.
From Dream Dad, baka may makita naman silang isang role na babagay sa kanya sa mga susunod nilang serye at siya naman ang maging bida ulit. Ang mahalaga lang naman sa isang artista ay iyong tuloy-tuloy ang career.
