HATAW! D'yaryo ng Bayan hatawtabloid.com
ni Roldan Castro
PINAKAMALAKING concert ni Julie Anne San Jose ang Hologram sa December 13 sa MOA Arena.
First major concert niya ito sa ilalim ng direksiyon ni Louie Ignacio. Hologram pa lang ay aabot na ng P2-M kung apat ang gagamitin nila sa entablado.
Ang mga sure na guest niya ay sina Christian Bautista, Abra, Sam Concepcion. Inire-request din niya sina Kyla, Jonalyn Viray, Aicelle Santos, at Maricris Garcia na hopefully ay magkaoon daw sila ng birit number.
Si Elmo Magalona, rati niyang ka-love team, hindi ba niya ini-request?
Tumawa muna siya sabay sabing “I think, he’s ano busy din kasi,” tugon lang niya.
Hindi ba sumama ang loob niya na walang support si Elmo sa first major, major concert niya?
“No,” mabilis niyang sagot.
“Si Elmo naman ..sa mga past concert ko nandoon siya, eh! I think wala namang grudge feelings. Wala rin naman kaming grievances. We’re in good terms. We just grew apart para sa individual career namin,” dugtong pa niya.
Excited na si Julie Anne at grabe ang ginawa niyang preparation dahil nagkaroon pa siya ng dance lessons, voice lessons, at rehearsal din na umabot na raw ng isang buwan.
Ayon naman sa kanyang producer, ang Tarroza Entertainment Productions sa pangunguna ni Robby Tarroza, maganda ang sales ng tickets at nasa history na sa first 3 days ay P1.7-M agad ang bumili sa ‘Hologram’ concert.
