HATAW! D'yaryo ng Bayan hatawtabloid.com
BINAWIAN ng buhay ang isang lalaking Thai makaraan tumalon mula sa ika-15 palapag ng gusali sa Ayala Avenue, Makati kamakalawa ng gabi.
Kinilala ni Chief Insp. Shirley Bao, hepe ng investigation branch ng Makati PNP, ang 37-anyos biktimang si Kirk Priebjrivat, agad nalagutan ng hininga makaraan tumalon mula sa
rooftop ng Bankmer building sa Bel-Air.
Ayon sa testigong si Jumer Carpio, traffic enforcer ng Makati, namataan niya ang biktima na paikot-ikot at tila nagtatangkang tumalon mula sa rooftop kaya siya humingi ng tulong.
Ngunit tumalon na ang Thai bago pa dumating ang rescue team.
Sumabit ang katawan ng biktima sa puno saka lumagpak sa kalye sa tapat ng isang fastfood chain.
Inaalam ng pulisya kung ano ang dahilan ng pagtalon ng biktima.
Bagama’t walang nakitang kasama ang lalaki sa rooftop ay hindi pa rin inaalis ng mga awtoridad ang posibilidad ng foul play.
Jaja Garcia
