Roxanne Cabañero, nagtayo ng negosyo para may pagkaabalahan

ni James Ty III

KAHIT hindi umubra ang kasong inihain niya kay Vhong Navarro noon dahil ito’y ibinasura ng korte, tuloy pa rin ang buhay ng kontrobersiyal na modelo at dating beauty contestant na si Roxanne Cabanero.

Sa exclusive na panayam ng Hataw sa kanya, sinabi ni Roxanne na nagtayo siya ng bagong negosyong pagde-design at pagbebenta ng mga swimsuit.

“I’m still in the process of building my business plan,” say ni Roxanne sa amin habang nanonood siya ng laro ng PBA sa Araneta Coliseum. ”I hope to launch my business next year.”

Matatandaang sumikat si Roxanne dahil sa kanyang pag-akusa kay Vhong na nang-rape umano sa kanya sa Cavite.

Ngunit dahil kulang daw ng ebidensiya ay ibinasura nga ng korte ang kaso.

Pagkatapos nito ay sinubukang sumali ni Roxanne sa Miss World Philippines 2014 ngunit umatras siya dahil sa sobrang negatibong feedback sa kanyang pagsali dulot ng simpatya ng publiko kay Vhong.

“I have this very unique marketing. I will be travelling all over the Philippines to feature my swimsuits,” dagdag ni Roxanne. ”I also plan to sell some of my creations to my friends in Bb. Pilipinas, the 2011 batch, and some model-friends.”

Idinagdag ni Roxanne na sa rami ng mga problemang hinaharap niya sa buhay, napanatili niya ang pagiging matatag.

“Right now, I’m moving forward and I’m just being positive. Life is beautiful,” pagtatapos ni Roxanne.