HATAW! D'yaryo ng Bayan hatawtabloid.com
SANG bonggang opening number ang sasalubong ngayong Sabado sa Talentadong Pinoy 2014 dahil magsasama-sama sina Mariel Rodriguez-Padilla, Dennis Padilla, Rommel Padilla, at BB Gandanghari para sa isang production number ng “Talentadong Padilla” para sa surprise birthday celebration ni Robin Padilla.
Kaabang-abang din ang pag-upo ni Claudine Baretto, Dennis, at Direk Joyce Bernal bilang talent scouts sa gabing ito.
Samantala, sasalang sa entablado ang Talentadong Pinoy ng Binan na si Marvic Alvarez o “Amazing Kid” na magpapamalas ng galing nya sa pagba-balance.
Si Jadzelle Ventura o mas kilala bilang “Simply Called Jadzelle” ang Talentadong Pinoy ng Pasig City na ay magpapakita ng talento sa pagbirit.
Taga-Cainta naman si Alejandro Baldemoro na sasabak din sa gabing ito upang patunayan kung bakit sya tinawag na “Tsako Elastiko”.
Ipakikita naman ni Edmon Villamor ng Novaliches ang natatangi niyang talent sa pagma-magic kung kaya’t nabansagan din syang “Magic of Mhon”.
Hindi rin naman magpapahuli si Neil Rey Garcia ng Davao sa kanyang kakaibang talent sa pagkanta at pagbi-beat box.
Abangan sa Sabado, Nov 22 ang bonggang birthday celebration ni Robin sa Talentadong Pinoy 2014,7:00 p.m., sa TV5.
Starstruck pala si Mariel kay Claudine na idol pala niya ang aktres kaya pumasok siya sa showbiz.
Bata pa raw siya nang maging tagahanga siya ni Claudine at sinuportahan nito ang projects ng kanyang idol. Kaya naman nang nalaman nito na isa si Claudine sa magiging talent scouts ngayong Sabado, ay agad-agad itong nagpa-picture nang magkita na sila sa taping sa studio.
Ano kaya ang say ni Robin nang makitang sasayaw at naka-tangga ang kapatid niyang si BB?
ni Reggee Bonoan
