HATAW! D'yaryo ng Bayan hatawtabloid.com
ni Cesar Pambid
SINO ang pinakamagaling na aktres?
Exciting ang labanan ng mga aktres sa 28th Star Awards For Television ng Philippine Movie Press Club. Limang Kapamilya aktres laban sa dalawang Kapuso. Sino kaya sa kanila ang pipiliin ng mga voting member?
Nominado kapwa sina Maricel Soriano at Lovi Poe sa seryeng Ang Dalawang Mrs. Real. Nasubaybayan namin ang seryeng ito at sa simula pa lang hindi na kami nagdudang pang-nominasyon ang roles nina Marya at Lovi. Kapwa sila humihingi ng award sa klase ng magaling nilang acting. Bigay na bigay kumbaga, suwabe lang at hindi over-acting.
Pero hindi patatalo sina Maja Salvador at Angel Locsin sa Legal Wife, ‘yung confrontation scene nila ay nag-trending pa sa internet. No doubt, kung isa sa kanila ay mapili, tiyak swak naman talaga.
Pero dark horse sina Dawn Zulueta, Kim Chui, at Bea Alonzo na pare-parehong ipinakita ang mga best to prove na may laban sila. Kaya abangan ang salpukan ng limang magagaling na aktres.
Mapapanood ang kabuuan ng Star Awards sa ABS-CBN’s Sunday’s Best sa ika-30 ng Nobyembre, 2014, 11:00 p.m..
Ang 28th PMPC Star Awards for Television ay mula sa produksiyon ng Airtime Marketing ni Ms. Tess Celestino at sa direksiyon ni Arnel Natividad.
