Julian, focus sa pag-aartista

ni Ambet Nabus

MASAYA si Julian Estrada sa outcome at feedback ng first movie niya as a teenager. Aligaga pa ito sa pag-ulit ng tanong sa amin kung nagustuhan daw ba namin ang Relaks It’s Just Pag-ibig, gayung trailer pa lang ang aming napapanood hahaha!

But since we promised him na over the weekend ay mag-pi-feeling bagets kami, we will inform him agad kung totoo ba ‘yung sinabi niya na kahit may Best Actor award na ang daddy Jinggoyniya ay magagawa rin niyang makakuha niyon someday.

“Kasi nga po nag-start ako bilang teenager. I can still improve and learn a lot,” patungkol sa tsika nitong “binata” na raw nang mag-start sa movie ang dad niya at hindi gaya niya na ‘bida’ agad sa unang movie.

“Don’t get me wrong po. Kasi ako po talaga, I want this to be my focus. Si Dad kasi, hobby lang niya rati,” susog pa ni Julian na nagpapasalamat sa mga kafatid sa panulat na nag-treat daw ng maayos sa naging isyu niya sa ex-gf na si Julia Barretto.