HATAW! D'yaryo ng Bayan hatawtabloid.com
NALAMBAT sa drug buy-bust operation ang isang 31-anyos bigtime pusher nang kumagat sa inilatag na bitag ng mga awtoridad kamakalawa ng hapon sa Marikina City.
Kinilala ni Senior Supt. Vincent Calanoga, hepe ng Marikina City Police, ang suspek na si Saad Duma y Masnar, vendor, naninirahan sa 36 Luzon St., Culiat, Brgy. Tandang Sora, Quezon City, nakompiskahan ng P3 milyong halaga ng shabu.
Nabatid sa awtoridad, si Duma ay matagal nang tinitiktikan dahil sa pagpapakalat ng ipinagbabawal na gamot sa siyudad partikular sa Brgy. Tumana kaya’t nang makipagtransaksiyon ang suspek sa pulis na nagpanggap na buyer ay agad na ikinasa ang buy-bust operation.
Ed Moreno
