HATAW! D'yaryo ng Bayan hatawtabloid.com
KPWA namatay ang isang 72-anyos ginang at ang kanyang anak sa naganap na sunog sa Brgy. Valencia, Quezon City kahapon.
Dakong 11:08 a.m. nang sumiklab ang apoy sa ikalawang palapag ng bahay ni Elisa Ramos.
Sinabi ni QC Fire Fire Marshall Supt. Jesus Fernandez, natagpuan sa unang palapag ng kanilang bahay, katabi lang ng pinagmulan ng apoy, sina Crisensia Trinidad, 72, at anak niyang si Evangeline, 43.
Ayon sa mga awtoridad, posibleng binalikan ni Evangeline ang naka-wheelchair na ina ngunit hindi na sila nakalabas.
Dalawang oras lamang ang itinagal ng sunog na umabot sa ikaapat na alarma.
Umabot sa 50 pamilya ang apektado ng sunog sa 25 kabahayan sa likod lamang ng Valencia Towers.
Isang fire volunteer ang nasugatan sa insidente habang P500,000 ang tinatayang pinsala ng sunog.
