HATAW! D'yaryo ng Bayan hatawtabloid.com
MAHALAGANG paligiran ang sarili ng mga imahe at items na magpapahayag sa iyo ng money energy at magpaparanas sa iyo ng financial abundance. Ang mga imahe na iyong mapipili ay iyong personal choice, dahil tayo ay may iba’t ibang kinabibilangan, o mga ideya kung paano mararamdaman ang enerhiya ng yaman.
Kung gagamit ng tradisyonal na Chinese feng shui cures, tiyaking gusto mo talaga ang mga ito. At tiyakin din na ang traditional feng shui cures ay bagay sa inyong home décor at gusto n’yo ang mga ito.
Kailangang magkaroon ng good energy exchange sa feng shui item upang umepekto ito. Piliing mabuti ang nais na feng shui cures.
Halimbawa ng traditional Chinese feng shui cures ay ang:
• Chinese coins
• Red tassels na may mystic knot pattern, gayundin ay may money symbols
• Three legged toad
• Imahe ng barko sa harbor, o actual wooden ship na may kargang coins at crystals.
•Aquarium na may golden fish o arrowana fish. Ang Koi fish ay madalas ding gamitin sa feng shui money applications.
Ang enerhiya ng pera at yaman ay hindi maaaring magsama sa energy of clutter, kaya sikaping mawala ang clutter. Hayaang ‘makahinga ang bahay at maglaan ng open space para sa magandang bagay na darating.
Tiyaking ang inyong money area ay kayang hawakan, o mapanatili ang Chi, o ang enerhiya na papasok sa inyong bahay.
I-tsek kung ang feng shui money area ay hindi partially missing. Kailangan mong tugunan ang lahat ng mga isyung ito – lalo na ang missing money area issue – upang mapanatiling matatag ang inyong wealth energy.
Halimbawa, kung nawawala ang bahagi ng inyong feng shui money area, ang pinakamadaling paraan para mabalanse ang enerhiya at makompleto ang missing area ay ang pagsasabit ng salamin sa Southeast wall.
Ang mirror o salamin ay nagdudulot ng enerhiya ng tubig, na sinaunang simbolo ng kasaganaan. Ang salamin ay tipikal na feng shui cure din sa pagkompleto sa missing area.
Kung may bathroom sa inyong money area, tiyaking mag-apply ng ilang feng shui tips para sa bathroom sa wealth area at remedyuhan ang sitwasyon.
ni Lady Choi
