Bea, nilait ng fans dahil daw sa pagmamaldita

ni Alex Brosas

GRABENG panlalait ang inabot ni Bea Alonzo sa isang very popular website dahil nagmaldita raw ito sa mag-asawang fan niya.

Nagpa-picture raw kasi sa kanya ang couple pero hindi raw naging maganda ang kanilang karanasan sa dalaga. Parang diring-diri raw ito na magpakuha ng larawan na kasama siya.

Umapir sa Fashion Pulis ang photo ni Bea kasama ang male fan. Ipinadala yata ito ng anak ng mag-asawa. Nayabangan ang nagpadala ng photo kay Bea. Bakit daw ganoon ang dalaga gayong fan na fan ang parents niya ng dyowa ni Zanjoe Marudo.

Easily, ang daming nam-bash kay Bea. Talagang nilait ang beauty niya sa nasabing site.

“Anobeehh! ilang segundo lang para magpa-pic, di pa ba mapagbigyan ang fans? Malaking abala ba yon sa kanya??”

“Nakita ko xa once, sa shooting ng movie with John Lioyd, di naman nilalapitan ng fans pero mano man lang mag-smile. Haay mga artista nga naman.”

“iba naman kasi yung pagmamaldita sa taong humahanga sa knya. sana nagmaldita sya sa mga chumichismis sa kanya at taong ayaw nya. ok lang. pero ung in-admire ka na ng tao e mandidiri ka pa, iba naman un.”

Ilan lang ‘yan sa masasakit na sinabi ng fans kay Bea. Pero mayroon namang nagtanggol sa dalaga.

“Diri talaga?.. madaling manira at ang masakit na katotohanan ang dami kagad naniniwala, pano kung sabihin ko maganda ang na experience ko kay bea at marami na rin sa akin nagsabi na mabait talaga si bea, ang hirap kasi iba makapag kwento eksaherado.”

“Girl, mukhang busy naman kc ata c Bea nung nagpapic kayo. Wag ka namang oa manira riyan! Hindi sa lahat ng pagkakataon e ok magpapic sa mga artista. Baka naman kc na-invade nyo ang privacy nya kaya wala cya sa mood!”