Bagito, pambagets na mabigat ang tema

ni Timmy Basil

MARAMING “first time” sa teleseryeng Bagito. First teleserye ito ni Nash Aguas na siya ang bida. First time ring magsama sa teleserye

ang magkaibigang Agot Isidro at Angel Aquino. First time ring tumanggap ng daring role si Ella Cruz na nakita natin noon sa teleseryeng Aryanna na neneng-nene pa.

First directorial job for a teleserye ito ni Direk Onat Diaz na direktor din ng The Buzz at first time rin sigurong mangyari ito na pinapa-presscon ng Sunday, dahil kinabukasan (Monday) ang airing ng teleserye at first time ko ring makapanood ng advance one week episode ng isang teleserye.

Roon sa mga nalilito na ang akala ay ang Dream Dad ang papalit sa Pure Love, huwag na kayong malito dahil ang Bagito na nga ang pumalit sa Pure Love at ang Dream Dad ay next Monday pa mag-uumpisa. Hindi ko rin puwedeng sabihin na baka ito ang papalit sa Hawak Kamay, baka magkaroon na naman ng changes, but I love changes, hehehehe.

As I was saying, pinanood sa amin ang buong first week episode ng”Bagito at hindi ito pa-cute-cute lang o pambagets lang. Oo, mga young teenager ang bida pero mabigat ang tema. It tackles teenage pregnancy.

Ibang-ibang Nash ang mapapanood dito. Nakaiiyak ang kanyang role.

Habang nanonood kami, akala ko ay ako lang ang umiiyak pero pagtingin ko sa katabi kong si Angel, umiiyak din. Pati ang mga nanonood sa bandang likuran ko nagsitulo rin ang luha.