HATAW! D'yaryo ng Bayan hatawtabloid.com
KAPWA patay ang da-lawang preso sa Maximum Security Compound ng New Bilibid Prison (NBP) nang mag-away dahil sa utang kamakalawa ng hapon.
Kinilala ni NBP Offi-cer In Charge (OIC), Supt. Robert Rabo, ang namatay na si Henrico Maglasang, may kasong robbery with homicide at nakulong noong 2001, tinamaan ng apat na saksak sa katawan.
Namatay rin ang presong si Arisedes Lucero makaraan kuyugin ng kapwa mga preso. Si Lucero ay nakulong noong 2010 dahil sa kasong murder.
Patuloy na iniimbestigahan ang 120 inmates upang mabatid kung sino-sino ang mga responsable sa pagkamatay ni Lucero.
Sinabi ni Supt. Rabo, dakong 1:30 p.m. nang maganap ang insidente sa Selda 13 C ng naturang bilangguan .
Sina Maglasang at Lucero ay kapwa miyembro ng “Batang Cebu Gang.”
Sinasabing siningil ni Maglasang si Lucero sa kanyang utang ngunit ikinatwiran na walang maibabayad dahil wala pa siyang pera.
Ang pag-uusap ng dalawa ay nauwi sa mainitang pagtatalo hanggang kumuha ng patalim si Lucero at sinaksak si Maglasang.
Pagkaraan ay pinagtulungan bugbugin at pagpapaluin ng iba pang mga preso si Lucero na kanyang ikinamatay.
Jaja Garcia
