Kampo ni Elmo, ‘di pumayag na mag-guest sa concert ni Julie Anne

ni Roldan Castro

HINDI big deal kay Julie Anne San Jose kung ayaw mag-guest ni Elmo Magalona sa kanyang first major concert sa MOA Arena sa December 13 entitled Hologram. Nandiyan naman sina Christian Bautista, Abra, at Sam Concepcion. Ito’y sa direksiyon ni Louie Ignacio.

Ang apektado ay ang fans nina Julie at Elmo na hindi pa rin mapagsama ang dalawa at mapagbigyan.

Sa kampo ni Julie Anne ay wala namang problema na muling magkasama sila ni Elmo.

Pero ayon sa manager ng young actor na si Pia Magalona, may prior commitment daw si Elmo.

Hiniling na lang ng producer ng concert na Tarroza Entertainment Productions (sa pangunguna ni Robby at ng kanyang pamilya) na sa hologram na lang ilagay si Elmo at irecord nila pero hindi pa rin daw pumayag ang kampo ni Elmo.

Porke’t naka-penetrate na ang love team nina Elmo at Janine Gutierrez mukhang ayaw na nilang pagbigyan ang mga JuliElmo. Hindi na ba nila kailangan si Julie Anne kaya deadma na sila sa big event ng dating ka-love team? Hindi man lang mabigyan ng importansiya at kaunting oras na mapasaya ang fans kahit sa hologram lang makita si Elmo at hindi na mag-live.

Anyway, nagulat si Julie Anne sa pagkaka-link niya kay Abra. Hindi raw totoo. Nagkaroon lang daw sila ng collaboration para sa isang kanta na na-perform nila sa isang Sunday show. Hindi raw sila nagdi-date pero friends sila. Nagulat nga raw siya kung saan nanggaling ang chism na ‘yun?

“I-link kami talaga agad? Friends lang po kami ni Abra,” bulalas niya.

Talbog!