Jericho Rosales, nagmumura sa Red

ni Cesar Pambid

 

INSPIRED daw sa mga real life event ang pelikulang Red. Pero ‘di naman daw ito true story.

Bida si Jericho Rosales sa movie at nasabi nitong kung ilang beses siyang nagmura. Ayon sa director nito kailangan daw sa story ‘yung pagmumura.

“Artista si Echo, eh. It’s really just a role,” rason ng director.

Inspired daw ang movie ng real events at hindi ito true story.

Si Jericho naman ay nagbigay ng pahayag tungkol dito.

“Sa side na ’yon sa faith, being a Christian naman, I’m not here to preach but to be an example. But as an actor, kailangan ng real stories eh. Eh, si Red (character niya sa movie), medyo parang fictional. Maraming reality doon sa story like nagmamahal siya, gumagawa siya ng maraming mali, then ’yung ending ng story is a typical risk kung anong klase ng buhay mo.

“So this is a perfect story for a perfect victim and for the perfect viewer who’s looking for an answers and certain solutions. So I said perfect film. Ang point lang doon, gusto kong mag-action!” katwiran ni Echo.

Napapayag siyang magmura sa movie gaya ng mga action star sa kanilang action scenes?

“May mura-mura rin! Ha! Ha! Ha! Nag-usap kami ni Jay. Pero nag-usap kami na huwag nating gawin ’yon. Gumawa tayo ng iba na mahi-hit ’yung intensity na gusto namin and not that. Pero may mura sa eksena. Ako? Mayroon din! Si Red ’yon at hindi ako,” paliwanag niya.

Ipapanood ba niya sa asawa niyang si Kim ang movie?

“Actually, naka-book na ’yung seat niya sa theater sa premiere! Ha! Ha! Ha!’ sakay naman ni Echo.

Noong November 9 nagsimula ang showing ng 10 films na kasama sa Cinema One Originals na mapapanood sa Fairview Terraces, Glorietta, Trinoma at Greenhills Dolby Atmos. Bukod sa Red atEsprit de Corps, ang ilan pang kalahok ay ang Violator nina Victor Neri at Direk Joel Lamangan; This Thing Called Tadhana nina Angelica Panganiban at JM de Guzman; Soap Opera nina Lovi Poe at Rocco Nacino; Lorna ni Shamaine Buencamino at iba pa.