HATAW! D'yaryo ng Bayan hatawtabloid.com
ni Rommel Placente
AMINADO si Carlo Aquino na may pressure siyang nararamdaman na bahagi siya ng bagong serye ng ABS-CBN 2 na Flordeliza na makakatrabaho niya ang dating loveteam na sina Marvin Agustin at Jolina Magdangal.
“Siyempre greatful l kasi after ‘Annaliza’, March ‘yun natapos. Ito naman ako sa ‘Flordeliza’ lahat ng ‘liza’ gagawin ko na. Siyempre mayroong pressure but ayon pressure is good ‘di ba kasama talaga ‘yan sa trabaho na nape-pressure ka na-i-stress ka pero ini-enjoy ko kasi kasama ko nga sina Jolina at Marvin,” sabi ni Carlo.
Natutuwa si Carlo na kasama niya sa nasabing serye si Jolina. Crush niya kasi ito noong bata pa siya.
“Alam niya ‘yun matagal na. Mga 13 years old pa ako pero crush lang naman, ano ba naman ‘yun,” sambit pa ni Carlo.
Crush ni Carlo si Jolina dahil bukod sa maganda ay natutuwa siya rito. “Ang ganda niyang tingnan sa screen tapos ‘yung humor niya, nakakatawa kasi siya.”
Kung balik-tambalan sina Jolina at Marvin, open din ba siya na makatrabaho ulit ang dating ka-loveteam at girlfriend na si Angelica Panganiban?
“Oo naman,” mabilis na sagot ni Carlo.
“Sobrang magkaibigan kami ni Angel. Nakapag ‘MMK (Maalaala Mo Kaya)’ na kami so, sana hopefully next year kung mabibigyan ng chance gagawin ko talaga.”
Anong klaseng show ang gusto niyang pagsamahan ulit nila ni Angel?
“Dramedy (drama-comedy) para iba naman kasi usually pag nag-‘MMK’ kami drama-drama mas maganda kung medyo light.”
Nagpapasalamat si Carlo sa ABS-CBN 2 dahil tinanggap siya ulit nito pagkatapos niyang iwan at lumipat sa GMA 7.
“Nabakante ako ng six or seven months pero nag-‘MMK’ ako, nag-‘Ipaglaban Mo’ ako. Sobrang grateful sa ABS(CBN) kasi tinanggap nila ako ulit.”
