HATAW! D'yaryo ng Bayan hatawtabloid.com
ni Rommel Placente
WALA nang nagulat nang aminin ni Cristine Reyes sa ASAP 19 noong Linggo na buntis siya courtesy of her foreigner boyfriend. Paano naman, alam na naman ng lahat na talagang nagdagalantao siya pero hindi nga lang niya maamin.
At least ngayon, kinompirma niya na talagang buntis siya. Alam naman din siguro niya na mabibisto at mabibisto rin ang tunay na kalagayan niya kaya inamin na nga lang niya ang baby sa kanyang sinapupunan.
‘Pag nanganak na siya, tiyak lalamlam na ang career niya. Kilala naman kasi siyang sexy star, ‘di ba? Paano pa siyang tatangkilikin ng mga tagahanga niyang lalaki kung ganyang nanay na siya? Sinayang lang ni Cristine ang magandang takbo ng kanyang career.
Sa kabilang banda, hanga kami kay Cristine sa lakas ng loob niya na aminin na buntis nga siya kahit alam niyang makaaapekto ‘yun sa kanyang career. At least, pinanindigan niya ang pagbubuntis niya, hindi niya ‘yun itinago. Hindi katulad ng ibang mga aktres na nang mabutis ay ipinalaglag.
‘Yung iba naman, nagpunta pa sa ibang bansa para roon manganak para hindi malaman na nabuntis sila, ‘di ba?
