Ms. Gloria, iniwan ang presscon ng Dream Dad

AKALA namin ay pupunta lang ng ladies room si Ms Gloria Diaz bitbit ang bouquet of flowers nang umalis ito sa stage habang on-going ang Q& A sa presscon ng Dream Dad noong Huwebes ng gabi sa 9501 Restaurant.

Naunang tumayo si Zanjoe Marudo na nagpunta ng men’s room dahil nauubo raw siya at pagbalik ay uminom ng tubig bago bumalik sa upuan niya.

Hindi naman bumalik na si Ms Gloria na hinahanap namin at may nagsabing umalis na raw dahil pagod na siya kaya napa-huh kami.

Wala tuloy ang dating beauty queen sa parting shots ng buong cast ng Dream Dad na sina Maxene Magalona, Beauty Gonzales, Yen Santos, Ana Feleo, Katya Santos, Ketchup Eusebio, Ariel Ureta, Janna Agoncillo, at Zanjoe.

Hindi naman siguro maituturing na walk-out iyon Ateng Maricris dahil wala namang offensive questions na tinanong kay Ms Gloria during the Q and A.

ni Reggee Bonoan