HATAW! D'yaryo ng Bayan hatawtabloid.com
HINDI na marahil maitago ni Cristine Reyes ang tunay niyang estado dahil marami ang nagpapatunay na nagdadalantao siya lalo na nang i-post ng ate Ara Mina niya ang family picture nila na kitang-kita na malaki ang tummy niya.
Paano’y limang buwan na raw buntis si Cristine.
Matatandaang natanong na si AA (palayaw ni Cristine) sa isyung buntis siya sa presscon noon ng pelikulang The Gifted pero itinanggi niya at sa premiere night na ginanap sa SM Megamall ay muli siyang tinanong, pero ano ang ginawa niya, nag-walk out siya.
At kahapon ng tanghali, tumawag ang source naming taga-ABS-CBN at sinabing special guest ng ASAP si Cristine at kakanta ng Today, My Life Begins ni Bruno Mars at pagkatapos ay may special announcement.
“Nasa script may special announcement at official na niyang aaminin na buntis nga siya. Abangan mo later,”ito ang sabi sa amin sa kabilang linya.
May lakad kami kahapon kaya hindi namin napanood ang ASAP at kung inamin na nga ng aktres na buntis siya, iisa lang ang masasabi namin, VINDICATED lahat ng reporters na nagsulat.
Nakakaloka lang si AA dahil talagang sinabayan din niyang magdalang-tao ang ate Ara niya.
