HATAW! D'yaryo ng Bayan hatawtabloid.com
GENERAL SANTOS CITY – Pinagkakaguluhan ng mga residente sa Park. 8, Tinagacan, General Santos ang bagong silang na baka na iisa lamang ang tenga.
Ayon kay Maria Corazon Hinayon, noong isang araw ay nanganak ang kanilang alagang baka ngunit laking gulat nila kinaumagahan nang makita na isa lamang ang tenga ng anak ng baka.
Aniya, walang kanan na tenga ang naturang baka na isang lalaki.
Makaraan mabalitaan ang nasabing impormasyon ay dinagsa ang bahay ni Hinayon upang personal na makita ang kalagayan ng baka.
Dagdag ng ginang, ito ang unang pagkakataon na nakakita siya ng baka na isa lamang ang tenga sa loob ng mahabang panahon mula nang nag-umpisa sila sa pag-aalaga ng mga hayop.
Beth Julian
