Sunog!!! Sigaw ng BKs

Salitang “SUNOG” ang naisigaw ng BKs matapos ang ikapitong takbuhan nitong nagdaang Miyerkoles sa OTB na aking napaglibangan. Sa karerang iyan ay nakatama silang lahat na magkakasama sa iisang mesa sa nagwaging kabayo na si Bruno’s Cut, pero nung alamin ng ibang mga BKs na naroon sa OTB ay bakit sunog ang kanilang naisigaw gayong nakatama naman sila—ang tanging naitugon nung grupo sa nagtanong ay “kasi natalo si Cinderella Kid” (CK), sabay dugtong pa na yung sakay ni Sparkling Rule ay hinete din ng may-ari ni CK at sa klase ng ginawa sa ibabaw nung nagdala ay ramdam na ramdam sinusundan lang ang nasa harapan niyang si CK. Pero hindi nila naagapan at napabayaan ang bumandera na si Bruno’s Cut.

Sa kabila pa niyan ay kaya sila sumuporta kay Bruno’s Cut ay dahil sa masamang inabot nila sa pagkatalo ng outstanding favorite na si Dream Supreme, na hindi pinatakbo ng natural at kulelat na dumating sa meta. Nasundan pa iyan na tila naayunan pa ng mga MJCI Board Of Stewards ang resulta ng patawag nila sa hinete na si Dan Camañero ? Alam din nila na ang pumatnubay kay Crotales na si Mhel Nahilat ay hinete rin sa kuwadra nina Dream Supreme, ikanga ay sa kalaban lumagay. Kaya ang aral diyan ay basahing mabuti at rebisahin ang mga pangalan ng tao na nasa programa, kesa sa mga kabayong maglalaban. Okidoks.

Fred L. Magno