Anak binaril ng protestanteng Obispo

CEBU CITY – Swak sa kulungan ang isang obispo ng Christ Based Learning and Community Church makaraan barilin ang kanyang anak sa loob ng kanilang bahay sa may Brgy. Punta Engaño, Lungsod ng Lapu-Lapu, Cebu kamakalawa.

Kinilala ang biktimang si Lemuel Osorio, 33, dating guro ng Punta Engaño Elementary School.

Habang ang suspek ay si Ceferino Osorio, 60-anyos at obispo ng nabanggit na simbahan.

Batay sa imbestigasyon ng pulisya, naabutan ng ama ang anak sa loob ng kanyang silid.

Tinanong ng ama ang anak kung bakit nandoon sa kanyang silid at parang may hinahanap.

Bahagyang may pagkasuplado ang pagkasagot ng anak kaya nagalit ang ama hanggang nagkasagutan ang dalawa.

Hindi nakayanan ng ama ang sitwasyon kaya kumuha ng baril saka pinutukan ang anak.

Tinamaan ng bala sa likod ang anak ngunit nasa maayos nang kondisyon sa pagamutan.

Boluntaryong sumuko ang ama at iginiit na ang kanyang anak ay isang adik at ibinenta ang mga gamit sa bahay para may ipantustos sa bisyo.

(BETH JULIAN)