Gerald, bigay ng Itaas kay Ai Ai

ni Roldan Castro

KASABAY ng kaarawan ni Ai Ai delas Alas ang presscon ng kanyang pelikulang Past Tense na kasama sina Kim Chiu at Xian Lim. Fifty years old na siya.

Ang boyfriend niyang si Gerald Sibayan ay 20 years old pa lang. Hindi naman big deal kahit malaki ang tanda niya sa bagong minamahal.

“Ang pag-ibig naman, wala ‘yan sa edad, eh. Dumating siya sa buhay ko ng… siguro ibinigay siya sa akin kasi hindi ko naman ini-expect ‘yun eh,” deklara niya.

“’Yun ‘yung time na ayoko na talagang mag-boyfriend. Pero noong dumating siya, may mga bagay pala na, ‘A, may mga mababait palang lalaki talaga.’ Or mayroon pala talagang lalaking para sa iyo.’ Siguro, yun ‘yon,” dagdag pa niya.

Tinanong si Ai Ai kung ano na ang naibigay niya sa bagets na boyfriend.

Madiin niyang sinabi na ”So far, wala. Siya pa nga ang nagbigay sa akin ng Gucci.”

‘Yun na!