Salon manager, taxi driver utas sa trigger happy

DALAWA ang patay sa magkasunod na insidente ng pamamaril Quirino Highway, Lagro, Fairview, Quezon City kahapon ng tanghali.

Ayon kay Insp. Elmer Monsalve, unang binaril ng hindi pa nakikilalang suspek ang manager ng Salon de Luxe na si Gasper Brioso.

Nagpanggap na kustomer at nagpa-manicure ang suspek saka binaril si Brioso.

Nabatid na manager din si Brioso ng isa pang branch ng salon at napadaan lamang sa kanilang sangay sa Lagro.

Agad tumakas ang suspek na sumakay ng bus, tinutukan ng baril ang driver at kinuha ang uniporme.

Tinangkang lumipat ng suspek sa John Matthews taxi sa hindi kalayuang lugar ngunit hindi siya pinagbuksan ng driver na si Norberto Espiritu kaya pinagbabaril.

Isinugod sa San Lorenzo Hospital si Espiritu ngunit binawian din ng buhay.

Nakatakas ang gunman nang muling sumakay sa isa pang bus.

Inaalam pa ng mga awtoridad kung mayroong kuha ng CCTV camera sa lugar at kung ano ang motibo sa krimen.