HATAW! D'yaryo ng Bayan hatawtabloid.com
FIRST choice si Gerald Santos Red Life Productions nina Ms. Bem Red Reyes at Loven Red para gumanap sa San Pedro Calungsod The Musical.
Napanood namin ang premiere nito noong Nov. 10 at talaga namang humanga kami sa ganda ng boses ni Gerald bukod pa sa napakalinaw ng mga linyang binibitawan nito.
Hindi biro ang mga kinanta ni Gerard sa musical play na may 15 kanta bukod pa sa apat na original at solo song ni Gerard.
Aminado si Gerald na mahirap ang musical play. ”Yes, mahirap kasi ibang klase itong production namin this time. Talagang grabe, kompleto sa props, kompleto sa visual, graphics, at ‘yung intensity ng script nito na ginawa ng manager ko—Doc Rommel Ramilo—na siya ring director ng play, sobrang ganda, talagang nabigyan ng buhay ‘yung buhay po ng ating pangalawang Santo,” ani Gerald.
Ginastusan talaga ang play na ito. Nag-shoot pa si Gerald ng underwater para ipakita ang pagkamatay ni San Pedro Calungsod na itinapon sa dagat. Ang tagpong iyon ay napanood sa actual show nang pinatay na sila.
“First time kong gawin ‘yung underwater scene. Nag-training muna ako kay Direk Jess Lapid Jr. Ang sarap. Noong una nakatatakot kasi 20 feet, ganoon kalalim ‘yung paghuhulugan sa akin, so, kailangan i-dive ko muna ‘yun, ma-praktis ko na mapunta sa ilalim at doon lang ako kukuha ng oxygen,” paglalahad pa ni Gerald.
Sa Anilao, Batangas kinunan ang underwater scene.
Gumanap din si Shyr Valdez bilang ina ni Gerald sa play. Maraming iyakan sa eksena nila habang kumakanta.
Ayon sa producer na si Ma’am Bem, iikot ang play na ito sa mga Catholic school sa buong Pilipinas lalo na sa parte ng Mindanao at Visayas.
ni Maricris Valdez Nicasio
