HATAW! D'yaryo ng Bayan hatawtabloid.com
ni Ed de Leon
IBA rin ang deklarasyon ni Isabelle de Leon. Siya raw ay kabilang doon sa “NBSB” o ibig sabihin “no boyfriend since birth”. Kasi ang feeling niya, mas una niyang dapat unahin ang kanyang career at iba pang priorities, after all bata pa naman siya at marami pang pagkakataong darating sa kanyang love life.
Kaya nga sinasabing mukhang bagay nga sa kanya iyong title ng kanyang series, iyongWattpad Presents, Diary ng Hindi Malandi, Slight Lang, na nagsimula na sa TV5.
Tama naman si Isabelle, bakit nga ba uunahin niya ang lovelife, kung may ibang mas mahalaga siyang maaaring pagkaabalahan? Iyong mga nagmamadali sa kanilang lovelife, iyan ang mga taong maraming oras na walang ginagawa, kaya iyon ang kanilang napagbabalingan. Hindi nga naman advisable para sa mga kabataan ang ma-in love agad, dahil hindi pa naman masasabing seryoso na nga ang kanilang nadaramang emosyon eh.
Kaya nga magandang example iyang si Isabelle. Sa ganda niyang iyon, imposibleng walang nag-aambisyong ligawan siya, pero no time pa sa ganyan ang magandang aktres.
