HATAW! D'yaryo ng Bayan hatawtabloid.com
ni James Ty III
KAHIT hiwalay na siya sa kanyang mister na si Cesar Montano, hindi pa rin nawawalan ng kinang ang kagandahan ni Sunshine Cruz.
Isa si Sunshine sa mga naggagandahang dilag na rumampa sa pagbubukas ng Philippine Basketball Association (PBA) sa bagong Philippine Arena sa Bocaue, Bulacan.
Naging visible si Sunshine sa TV mula noong nakipaghiwalay siya kay Cesar noong isang taon, kabilang na rito ang kanyang pagiging cover girl sa isang sikat na magasing panlalaki at pagiging mainstay sa teleseryeng Dugong Buhay ng ABS-CBN.
Kilala noon si Sunshine sa mga sexy movie na ginawa niya para sa Viva Films kaya hindi kataka-taka na may asim pa rin siya sa mga barakong nanood ng PBA kahit may tatlo na siyang anak.
Bilang patunay ng kanyang kaseksihan kahit 37-anyos na siya, nakipagsabayan minsan si Sunshine sa pag-indak sa ASAP 19 ng Dos kasama si Priscilla Meirelles.
“Ever since may stage fright talaga ako, kanina nanginginig ‘yung tuhod ko,” say ni Sunshine sa amin habang ikinuwento niya ang pagiging muse ng Blackwater Sports na isa sa mga produktong iniendoso niya. ”Pero nakatutuwa, it’s really a fun experience. Rati nga, naging muse rin ako sa Welcoat sa PBL at nanalo pa ako ng trip to Hongkong as prize for best muse.”
