Ritz, nagsisisi sa pagpo-pose sa men’s magazine

ni John Fontanilla

MAY pagsisi raw ang isa sa TV5 Princess na si Ritz Azul sa ginawa nitong pagpu-pose sa FHM noong 2012 dahil hindi na siya maaaring makasali sa Binibining Pilipinas na isa ito sa pangarap niya.

Tsika ni Ritz nang makausap namin para sa presscon ng Wattpad Presents Savage Casanova, na bida sila ni Edward Mendez, ”medyo nagsisi ako roon sa ganoong aspect na hindi ako makasali ng Binibini dahil doon sa nag-FHM cover ako.

“Pero maliit na pagsisisi lang naman ‘yun, eh. Naisip ko naman may Miss World, mayroon pang ibang masasalihan.”

At dahil isang taon na lang sa TV5 si Ritz, lilisanin na ba niya ang kanyang home studio pagkatapos ng kanyang kontrata? ”A, hindi naman! Parang medyo nao-open up na, nasasabi na nila ‘yung kontrata, pero siyempre depende pa rin sa desisyon.

“Wala pa naman ‘yung pinaka-contract. Gusto ko munang makita ‘yun. May one year pa ako, roon na lang tayo sa ‘pag two months na lang.

“Nandito pa ako sa network at saka I love TV5. Dito ako nag-start, dito medyo nakilala.

“Medyo nakilala si Ritz Azul kaya hindi ko siya basta maiiwan,” pagtatapos na ni Ritz.