HATAW! D'yaryo ng Bayan hatawtabloid.com
ni John Fontanilla
MARIING pinabulaanan ni Marion Aunor ang balitang balak niyang tanggalin sa kanyang screen name at apelyidong Aunor at Marion na lang ang gagamitin niyang pangalan.
”Naku wala po akong planong ganoon na tanggalin sa screen name ko ang apelyidong Aunor dahil mula naman ako sa angkan ng mga Aunor.
“At saka okey naman sa akin na gamitin ang apelyidong Aunor since noong nagsisimula ako Aunor na ang gamit ko, although may mga taong kumakausap sa akin at sinasabing tanggalin ko na ‘yung Aunor sa screen name ko.
“Everytime raw kasing nababanggit ang Aunor ang tita kong si Nora Aunor ang unang pumapasok sa isip ng tao .
“Like minsan sa isang show noong tinawag na ako ng host ng isang event nang sabihin ang pangalan kong Marion Aunor may mga taong nagsasabi na pamangkin siguro ‘yan ni Nora Aunor, ‘yung mga ganoon.
“’Yung iba naman sinasabi na magiging shadow lang daw ako ni Tita Nora dahil sikat na sikat siya, pero ‘di naman ako naniniwala dahil marami naman d’yan na kamag-anak ng mga artista like si KC na anak ng Megastar na si Sharon Cuneta pero sumikat siya bilang si KC o si Luis Manzano na anak ni Ms Vilma Santos at Mr. Edu Manzano pero sikat din siya.
“So feeling ko hindi naman ‘yan sa apelyido, naniniwala ako na nasa pagtatrabaho ‘yan. If maganda ang pagtatrabaho ko mas darami ‘yung kukuha sa akin at darami ang shows ko at magandang exposure ‘yun para mas makikala ka ng tao.”
