Kaseksihan ni Ellen, pinalakpakan

ni James Ty III

MULA noong lumipat siya sa ABS-CBN, lalong dumami ang mga project ni Ellen Adarna.

Pagkatapos ng kanyang pagiging bida sa Moon of Desire, sumunod ang isang malaking endorsement at pagiging calendar girl ng sikat na alak na Ginebra San Miguel.

Katunayan, bahagi ng kanyang endorsement ang pagiging muse ng Ginebra basketball team sa PBA opening sa Philippine Arena sa Bulacan.

Isa si Ellen sa mga sexy star na binigyan ng masigabong palakpakan sa harap ng mahigit na 50,000 kataong nanood ng laro sa bagong stadium ng Iglesia ni Cristo.

At kahit kasabay niya ang mga mas may asim na sina Sunshine Cruz at Alice Dixson ay hindi nagpahuli si Ellen sa kanyang suot na pulang damit sa opening ng basketball.

“It was fun because it’s my first time. It’s great. I’m just grateful to be chosen as their muse,” sabi ni Ellen. ”And since I’ll be endorsing Ginebra, it’s a good start.”

Dating naging endorser ng Ginebra sina Marian Rivera, Solenn Heussaff, at Georgina Wilson kaya umaasa si Ellen na magiging maganda ang kinalabasan ng 2015 na kalendaryo niya.