HATAW! D'yaryo ng Bayan hatawtabloid.com
HINDI diretsong inamin ni Gloc 9 na takot siyang mag-show sa Smart Araneta Coliseum na mag-isa maski na pangarap niya ito dahil noong alukin siyang makakasama niya sina Rico Blanco at Yeng Constantino ay napapayag na agad siya.
Ang katwiran ni Gloc 9, ”lagi ko pong sinasabi na nasa wish list ko ang magkaroon ng concert sa isang malaking venue.
“May mga offer po kami last year na tinurn-down talaga namin kasi sa rami po ng kailangan kong tapusin na trabaho at sa rami ng kailangan kong isipin, eh baka po sa ICU ang mapuntahan ko kapag dinagdagan ko pa ng isang Araneta Coliseum na concert.
“Pero nang binanggit nila sa akin na kasama ko si Yeng Constantino at si Rico Blanco, ang isang pumasok lang sa isip ko ay win-win situation ito para sa akin.
“Win dahil kasama ko si Yeng Constantino at isa pang win dahil kasama ko si Rico Blanco.
“And damay lang po ako talaga kung gaano kagaling na artist itong dalawang ito. Whatever happens, sobrang saya ko lang dahil nasabit ako rito,” pag-amin ng sikat na rapper sa bansa.
Ang titulo ng concert nina Rico, Yeng, at Gloc 9 ay Icon na mapapanood sa Nobyembre 21 sa Big Dome produced ng Cornerstone Concerts.
Pahayag naman ni Rico na kakaibang collaboration ang mapapanood ng mga tao sa show nilang tatlo.
“We don’t want to spoil the surprises now but like me if you’re used to seeing me perform with rock, when I collaborate with Yeng, nag-volunteer na ako na ako ‘yung medyo pupunta sa style and genre na specialty ni Yeng. It’s just one of the things na mangyayari,” say ni Rico.
Samantala, para sa karagdagang impormasyon tungkol sa ICON tickets ay maaring mag log on sa www.ticketnet.com.ph.
ni Reggee Bonoan
