Dreamscape’s teleserye humakot ng nominations sa 28th Star Awards for Television

Ang Ikaw Lamang ang #1 overall “most watched program” sa buong buwan ng Oktubre 2014. Samantala, ang dalawa pang serye na produced rin ng Dreamscape Entertainment na Wansapanataym at Sana Bukas Pa Ang Kahapon ay kabilang naman sa 10 Most Watched Programs sa Primetime nationwide.

Hindi lang ‘yan dahil sa darating na 28th PMPC Star Awards for Television humakot ng maraming nomination ang Kapamilya primetime bida series na Ikaw Lamang kasama ng iba pang teleserye ng Dreamscape kabilang na ang Best Drama Actor, Best D-rama Actress, Best Supporting Actor and Actress categories.

Siyempre nangunguna si Coco Martin para sa napakahusay nitong pagganap sa role na Samuel at Gabriel sa IL. Nominado ang sikat na actor para sa Best Drama Actor ganoon na rin si Gerald Anderson (Bukas Na Lang Kita Mamahalin at Enchong Dee (Muling Buksan Ang Puso). Pareho namang nominado sa Best Drama Actress sina Kim Chiu (Ikaw Lamang), Bea Alonzo (Sana Bukas Pa Ang Kahapon) at Dawn Zulueta para sa portrayal sa Bukas Na Lang Kita Mamahalin bilang ina ng bidang si Gerald Anderson. Narito naman ang Men of Dreamscape na kapwa nominado para sa Best Supporting Actor category para sa IL at sila ay sina Ronaldo Valdez, Joel Torre, John Estrada, Tirso Cruz 111, Jake Cuenca at Christoper de Leon. Nominado rin si Tito Eddie Garcia para sa seryeng Honesto. Ang mga Women naman ng Ikaw Lamang na nakakuha ng nominations for Best Supporting Actress ay sina Cherie Gil, Julia Montes, Cherry Pie Picache, Angel Aquino, Amy Austria-Ventura at KC Concepcion. Nominado naman si Inah Estrada bilang Best New Female TV Personality para sa pinagbidahang episode sa WANSAPANATAYM na Witch-A-Makulit.

Finalists rin ang mga teleserye ng Dreamscape na Honesto, Muling Buksan Ang Puso, Bukas Na Lang Kita Mamahalin at Ikaw Lamang para sa Best Primetime TV Series. Ang 28th Star Awards for Television ay gaganapin sa Ballroom ng Solaire Resorts and Casino sa darating na Nobyembre 23.

Congratulations and good luck sa inyong lahat gyud!
ni Peter Ledesma