Anak ni Ka Freddie binugbog ng dyowa

IBINUNYAG sa Facebook ng isang nagpakilalang best friend ni Maegan Aguilar na ang mang-aawit ay binugbog ng kanyang live-in partner.

Sa ulat ng entertainment site Pep kahapon, sinabi ng rapper na si Maria Silorio sa Facebook account niya na si Aguilar ay pisikal na inabuso ng kanyang live-in partner na si Ali nang magtangkang makipaghiwalay sa kanya ang singer nitong Sabado.

“My Bestfriend Maegan Comet Aguilar received this nasty beating as a ‘parting gift’ from her live-in Partner when she firmly tried to end there (sic) relationship today. Ali’s an alcoholic that often reaches a violent black out state & beats up my friend & threatens her life,” pahayag ni Silorio, ayon sa ulat ng Pep.

Dagdag ni Silorio, “Hindi daw po agad2 nagpa blotter or nagsumbong c ate maegan sa brgy o pulis dahil ayaw nya pong lumabas itong parte ng buhay nya sa publiko. Pero ito pong huling insidente ay nagdulot po talaga ng kritikal na kalagayan sa kanya.”

Ayon kay Silorio, na-dislocate ang kanang braso ni Aguilar at marami siyang pasa at sugat sa kanyang likod at balakang.

Wala pang inilalabas na pahayag si Aguilar kaugnay sa isyung ito.

Si Maegan ay anak ni OPM icon Freddie Aguilar.

Lumabas siya sa media ilang buwan na ang nakararaan nang batikusin ang pakikipagrelasyon ng kanyang ama sa isang menor de edad matapos silang palayasin sa poder nito.