HATAW! D'yaryo ng Bayan hatawtabloid.com
DALAWAMPU’T PITONG nagggagandahang dilag ang maglalaban-laban bilang Miss Silka Philippines 2014: Gandang Pilipinas, Kutis Alagang Silka ngayong Linggo, Nobyembre 9, 4:40 p.m. sa Activity Center ng Market Market ng The Fort, Taguig City.
Tiyak na lalo pang magniningning ang coronation night ng Miss Silka Philippines 2014 na binuo ng Cosmetique Asia Corporation, makers ng Silka skin care products at creative team ng Cornerstone Events dahil dadalo sa koronasyon si Richard Poon na siyang manghaharana kay Miss Silka Philippines 2011 Vianca Marcelo sa kanyang farewell walk.
Sina Piolo Pascual at Gretchen Ho naman ang magsisilbing host at parte ng official board of judges ang Cornerstone Entertainment’s president and managing director na si Erickson Raymundo at aktres na si Maricar Reyes Poon.
Sino kaya ang mapipiling ambassador for beauty ng Silka skin care? Saang probinsiya kaya ito magmumula—Luzon, Visayas o Mindanao? ‘Yan ang ating aabangan sa pagrampa nila sa Linggo.
Ang timpalak pagandahang ito ay mula rin sa tulong ng Imperial Palace Suits, Datamex, Fashion Institute, Plaza Ibarra, Today’s Water, Market Market at Ayala Malls.
