Paolo, mapapansin na ni Ellen DeGeneres dahil sa panggagaya

ni Alex Brosas

Si Ellen DeGeneres ang latest na ginaya ni Paolo Ballesteros sa kanyang make-up transformation.

Gayang-gaya ni Paolo ang hitsura ni Ellen, ha, complete with her blue eyes. Ipinost niya ito sa kanyang Instagram account at ang daming nag-like.

Actually, marami palang nag-suggest kay Paolo na ‘wag tanggapin ang Skype interview ng TMZ dahil hindi siya masyadong mabibigyan ng atensiyon. Mas maganda raw na hintayin na lang niyang mapansin ang kanyang make-up skills ni Ellen DeGeneres.

Naisip siguro ni Paolo na oo nga, mas maraming viewers si Ellen kaysa TMZ kaya naman he did the right thing—ang gayahin ang hitsura nito.

Ngayong nakopya na niya ang mukha ni Ellen ay nakasisiguro na si Paolo na mapapansin na siya ng TV host. Who knows, baka maging dream come true ang kanyang wish na maging guest sa programa ni Ellen.

Worldwide hit ang make-up transformation ni Paolo kina Beyonce, Rihanna, Miley Cyrus, Angelina Jolie, Tyra Banks.

Ayan, sana mapansin na si Paolo ni Ellen.