Nadine, okey lang magka-baby kahit maganda ang career sa Dos

ni Roldan Castro

READY na talagang magkaanak si Nadine Samonte kahit maganda ang feedback niya sa pagbabalik sa ABS-CBN 2. Dati siyang Star Circle na ka-batch si Bea Alonzo bago naging produkto ng Starstruck ng GMA 7 at naging contract artist din ng TV5.

Pagkatapos niyang magbida sa Maalaala Mo Kaya ay inilagay agad siya sa Hawak Kamay. Bagamat nasa last three weeks na lang ang serye ay may bagong project sana siya dahil balitang makakasama siya sa isang Christmas series. Sad to say, may conflict sa taping niya sa Hawak Kamay na humaba na ang role at makakasama na raw siya hanggang ending.

Magsisimula na kasi sa Wednesday ang taping ng serye para sa Pasko, eh, masasagasaan ang MWF at Friday taping niya sa Hawak Kamay. Pero ginagawan pa ng paraan na maayos ang schedule niya.

Balitang plano ring isama si Nadine bilang sosyalera na ka-love triangle sa Pasion De Amorpero ang problema ay baka abutin na s’ya ng pagkabuntis kung pagkakalooban sila ng Diyos. Kagagaling lang nila ng kanyang mister sa Bali, Indonesia bilang second honeymoon at selebrasyon na rin ng first wedding anniversary nila. Lihim na ginanap ang Christian Wedding ni Nadine kay Richard Chua, anak ni Isabel Rivas last year.

Pareho raw nagkakasundo sina Nadine at Richard na babae ang gustong maging unang baby.

Bet kasi ni Nadine na ayusan ng buhok, suklayan, at lagyan ng make-up kung babae ang magiging panganay nila.

Bongga!