Madrid sinibak ng UP

HANGGANG Disyembre 31 ng taong ito ang termino ng head coach ng University of the Philippines na si Rey Madrid.

Ito’y kinompirma noong isang araw ng dean ng UP College of Human Kinetics na si Ronnie Dizer na nagdagdag na si Madrid mismo ang mangunguna sa paghanap ng kanyang kapalit.

Idinagdag ni Dizer na magtatayo ang UP ng search committee upang maghanap ng bagong coach at ang isa sa mga magiging miyembro ng komite ay ang dating head coach ng UST Tigers na si Pido Jarencio.

Nagdesisyon ang UP na tanggalin si Madrid pagkatapos na nagtala lang ng isang panalo ang Maroons sa UAAP Season 77 katabla ang Adamson University sa pagiging kulelat.

Idinagdag ni Dizer na ang assistant coach ng UP na si Ramil Cruz ang hahawak sa ensayo ng Maroons habang wala pa silang bagong coach.

(James Ty III)