Tondo ex-chairman, bata todas sa ambush (1 pa kritikal)

PATAY ang isang 65-anyos dating chairman at 9-anyos batang babae habang kritikal ang isa pang biktima na na-damay sa insidente makaraan pagbabarilin ng dalawang hindi nakilalang lalaki kamakalawa ng gabi sa Parola Compound, Tondo, Maynila.

Agad binawian ng buhay si Ely Saluib ng Gate 17, Parola Compound, tinamaan ng anim bala ng baril sa ulo at iba pang bahagi ng katawan.

Habang nalagutan ng hininga sa Gat Andres Bonifacio Hospital ang biktimang si Aki-sha Surigao, 9, ng Area C, Parola Compound, at nilalapatan ng lunas ang ama niyang si En-gie Surigao, 39, sa nabangit na pagamutan sanhi ng tama ng bala sa ulo.

Sa ulat ng pulisya, naganap ang insidente dakong 12:15 p.m. sa nabanggit na lugar.

Lulan ng motorsiklo si Saluib nang biglang pa-putukan ng dalawang lalaking nakaabang sa kanya.

Bagama’t sugatan, dumiretso ang biktima sa Gate 17 ngunit sinundan siya ng mga suspek at muling pinagbabaril na naging dahilan upang tamaan din ng bala ang mag-ama na lulan ng tricycle.

Patuloy na iniimbestigahan ng mga awtoridad ang insidente.

Leonard Basilio