Sarah, nag-sorry kay Karla (Sa hindi pag-ikot sa The Voice)

ni Roldan Castro

FOR experience ang ibinigay na dahilan ng ina ni Daniel Padilla na si Karla Estrada kaya nag-blind audition siya sa The Voice of the Philippines.

Nabigo si Karla na pumasok sa nasabing talent show.

Nag-sorry pa nga raw si Sarah Geronimo nang malaman niyang si Karla pala ‘yun dahil hindi umikot ang kanyang upuan.

Ayon sa tsika, kahit si Lea ay naging pamilyar kay Karla. Sey daw niya… “I know you! I know you! What’s your name?”

Inaabangan ngayon kung ipalalabas ang pagka-nganga sa audition ni Karla sa The Voice. Si Karla ay dating recording artist ng Concorde Records noong kabataan niya.

Marami ang nagtatanong kung bakit hindi na lang nakuntento si Karla kung anumang career mayroon siya ngayon? Bakit nag-ambisyon pa siya ng higit pa? Hindi naman niya kailangang maghabol ng limpak-limpak na salapi dahil sa laki ng kinikita ng anak niya. Kumbaga, super okey na ang financial status nila. Hindi naman niya kailangang maghabol ng popularity dahil dala-dala na rin sila ng kasikatan ni Daniel at nakagawa na rin siya ng sarili niyang pangalan.

How true na pati ang isang female recording artist na pang-hotel ang boses ay balitang nag-audition din. Magaling ang female singer na ito pero walang faith sa kanya ang coaches (Lea Salonga, Sarah, Apl.De.Ap, at Bamboo Mañalac) at hindi pumasa sa kanilang panlasa ang boses ng mang-aawit.

Nganga rin ang beauty niya. Sad!