HATAW! D'yaryo ng Bayan hatawtabloid.com
BINAWIAN ng buhay habang nilalapatan ng lunas sa pagamutan ang isang negosyante makaraan pagbabarilin ng pamangkin ng kanyang live-in partner nang mapagkamalan siyang magnanakaw habang nasa loob ng kanilang bahay sa Brgy. Turo, Bocaue, Bulacan kahapon ng madaling-araw.
Kinilala ang biktimang si Teresita Gonzales, residente sa nasabing barangay at may-ari ng Rejoice Ann Firework sa nabanggit na lugar.
Habang pinaghahanap ng pulisya ang suspek na si Ermel Palomo, 35, isang OFW at residente ng Brgy. Tarcan sa bayan ng Baliwag sa lalawigan ding ito.
Ayon sa imbestigasyon ni PO3 Francis Ramos, nakikipag-inoman ang ka-live-in ng biktima na si Ernesto Bonifacio sa suspek at sa dalawang trabahador nang utusan ni Bonifacio ang isa na bumili ng kanilang mapupulutan.
Nang bumalik ang inutusang trabahador ay sinabi niya kay Bonifacio na may nakita siyang isang tao na pumasok sa loob ng isang silid kaya’t agad itong hinanap ng suspek.
Kinatok ng suspek ang pinto ng nasabing silid ngunit walang sumasagot kaya pinagbabaril niya ang pintuan hanggang tamaan ang biktima.
Daisy Medina
