HATAW! D'yaryo ng Bayan hatawtabloid.com
ni James Ty III
NAKAUSAP namin ang TV5 star na si Ritz Azul sa laro ng PBA sa Araneta Coliseum noong isang gabi at sinabi niya sa akin na may plano siyang sumali sa isang beauty pageant sa susunod na taon.
Marami ang hindi nakaaalam na dating naging contestant sa mga ganitong klaseng timpalak si Ritz noong siya’y nasa Pampanga pa at hindi pa siya nagso-showbiz.
Kung tutuusin, 5’ 6″ ang taas ni Ritz kaya puwede siyang maging beauty queen tulad nina Venus Raj, Megan Young, at Valerie Weigmann.
Ngunit para sa akin, malaking hadlang para kay Ritz ay ang pagiging cover girl noon sa isang men’s magazine at kung sasali siya sa Bb. Pilipinas ay tiyak ay hindi siya papasok sa mga kandidata lalo na’t sobrang konserbatibo si Stella Marquez Araneta tungkol sa bagay na ito.
Ang payo na lang namin kay Ritz ay sumali sa Miss World Philippines, Miss Earth o Mutya ng Pilipinas na hindi gaanong istrikto ‘di tulad ng Bb. Pilipinas.
Samantala, mapapanood pa rin si Ritz sa Wattpad Presents: Casanova sa TV5 ngayong linggong ito.
