HATAW! D'yaryo ng Bayan hatawtabloid.com
PINURI ni Arnold Reyes si Michelle Madrigal dahil sa propesyonalismo ng magandang aktres. Magkasama sina Arnold at Michelle sa pelikulang Bacao na official entry sa Sineng Pambansa Horror Plus Film Festival mula Oct. 29 to Nov. 4 sa SM Cinemas nationwide.
“Sobrang professional ni Michelle, sobrang bait niya. Wala kaming nagging problema na makatrabaho si Michelle. Isa siyang mainstream actress at kinabahan ako noong una dahil naisip ko kung paano ko kaya pakikisamahan si Michelle.
“Pero actually, noong nagkita na kami, tawa na lang kami nang tawa. Kahit iyong mga love scene namin ay naging light lang. Dahil ang attitude towards work ay magaan e.
“Iyong mga nuances niya ay gustong-gusto ko, napaka-natural. Kaya sana ay magkasama pa kami sa iba pang projects,” esplika ni Arnold.
Ang Bacao na mula sa Oro de Siete Productions Incorporated ay hinggil sa isang magandang babae na pinagnanasaan ng mga kalalakihan sa isang baryo. Wala pa silang anak ng asawa niya kaya handa nilang gawin ang lahat para magka-anak.
Paano mo inalalayan si Michelle sa mga love scene ninyo?
“Every time na gagawin namin iyong mga love scene ay talagang iniingatan ko siya. Siyempre, kailangan na makatotohanan pero dapat na may pag-iingat ako kay Michelle para naman hindi siya madala.
“Ginawa namin ang mga eksena rito dahil kailangan at naniniwala kami sa project. At siyempre ay mataas ang respeto namin sa aming direktor, kay Direk Edgardo ‘Boy’ Vinarao.
“Kahit ano ang ipagawa niya sa amin ay ginagawa namin, so, dumami ang mga love scene na ginawa namin dito,” esplika ni Arnold.
Dagdag pa niya, “Kung saan-saan po kami nag-love scene rito, sa banyo sa sala, sa maisan. Kaya pag-uwi namin ay sugat-sugat ho kami rito,” nakangiting wika pa ng aktor.
ni Nonie V. Nicasio
