HATAW! D'yaryo ng Bayan hatawtabloid.com
BIRONG seryoso ang sagot ni John Lloyd Cruz sa tanong sa kanya ng mga katoto kung bakit ayaw pa niyang mag-renew ng kontrata niya sa ABS-CBN.
Say ng katotong nakatsikahan ng aktor sa ginanap nitong product endorsement, “tinanong kasi siya tungkol sa kontrata niya kung bakit hindi pa siya pumipirma, sabi niya ‘pinag-iisipan ko pang mabuti kung magre-renew ako, kasi paalis kaming pamilya, magbabakasyon kami kasama si Angelica (Panganiban). Malay n’yo hindi na ako bumalik? Joke!’” ‘yan ang eksaktong sabi niya sa amin.
“Pakiramdam naming lahat, may plano ng magpakasal sina Lloydie at Angelica kasi kasama ang parents tapos imi-meet pa nila ang daddy ni Angelica, so anong ibig sabihin niyon? Bonding lang? At saka magtatagal yata sila, eh.”
Nabanggit namin sa aming kausap na babalik pa si JLC kasi gagawa sila ng pelikula ni Sarah Geronimo sa susunod na taon.
Balik-tanong sa amin ng katoto, “tuloy pa ba sila ni Sarah? Kasi sabi sina Piolo (Pascual) at Sarah movie ang pang-Valentines offering ng Star Cinema?”
Sa ginanap namang 10th year anniversary cum birthday celebration ni Coco Martin ay nakita namin ang Star Cinema executive na si Roxy Liquigan at tinanong namin ito tungkol kay Lloydie kung tuloy pa sila ni Sarah G.
“Yes Reggs, two movies si Sarah next year, Reggs, kaya mauna muna si Piolo tapos susunod ‘yung kay Lloydie,” say ni Roxy.
Kuwento pa ng aming katoto na disappointed daw ang aktor sa pelikulang The Trial dahil hindi raw siya tanggap ng tao sa ganitong karakter.
“Mas gusto kasi siya sa romantic comedy kasama sina Sarah, Toni Gonzaga, at Bea Alonzo, oo nga mas maganda ‘pag ganoon nga,” kaswal na sabi sa amin.
Nabangggit pa ng aming katoto, “ano pala, may tampo si John Lloyd sa ABS-CBN, hindi pa nari-reveal kung ano, eh.”
May ganoon bang isyu? Balik-tanong namin ay kung ano ang dapat ikatampo ni JLC, eh, siya nga ang highest paid actor sa ABS-CBN at Star Cinema? Sobrang alaga siya ng network na halos lahat ng project na ibinigay sa kanya ay pinag-aaralan at higit sa lahat, hindi rin siya nasusulat ng hindi maganda dahil lahat din ng nag-i-interview sa kanya ay sinasala.
Paano na lang ang ibang artistang walang projects na dinedma maski na may tampo sila sa network?
ni Reggee Bonoan
