Billy, iwas na iwas na sa pag-inom ng alak

ni Ambet Nabus

SPEAKING of Billy, mga two to three weeks na mawawala ang aktor-host dahil muli itong pupunta ng France para gumawa ng album as per his contract sa iniwang international music career.

“May mga commitment po akong tatapusin pero babalik ako dahil dito naman na talaga ang base ko,” tsika ni Billy na sandaling nakipaghuntahan sa amin noong presscon ngMoron 5.2 bago ito tumuloy sa show nilang It’s Showtime.

Proud si Billy na after ng kanyang “jail experience” ay para raw siyang nagsisimulang lumakad kumbaga sa bata. ”Laging nag-iingat, laging attentive sa mga bagay-bagay. Iwas-iwas din sa pag-inom,” sey pa ng aktor-host.

Sinang-ayunan ito ni direk Wenn na nagkuwento pa ngang hindi nito nagawang siputin ang kanyang birthday party dahil sa ayaw na nitong uminom. ”Tiis-tiis talaga,” dagdag pa nito.

At 33, nasa marrying age na raw si Billy pero willing siyang maghintay kay Coleen Garciana 22 years old lang. ”Ayoko siyang i-pressure. I want her to enjoy her career, her being my gf. Mararamdaman mo naman kung ready na siya eh. Basta ako, siya na ang gusto kong maging asawa,” pagmamalaki pa ni Billy.

Sa Moron 5.2 ay “improved” comedian na raw siya. Kung mabibigyan pa raw siya ng more movie assignments ay gusto rin niyang subukang mag-all-out drama o gawin din ang gaya ng role ni John Lloyd Cruz sa The Trial na napanood daw niya kamakailan at siya nga’y napanganga sa husay nito.

“Sarap mangarap di ba?” sey nito.