Unang ‘hopefuls’ sa The Voice, grabe ang pagka-halimaw!

ni Ambet Nabus

AY tunay namang bongga ang pagsisimula ng The Voice of the Philippines season 2 noong Linggo sa ABS-CBN.

Grabe ang pagka-halimaw sa boses ng mga unang ipinakitang ‘hopefuls’ at aakalain mo ngang grandfinals na hahaha! Ibang klase rin ang okrayan ng coaches na sina Apl de Ap, Bamboo, Lea Salonga, at Sarah Geronimo. Kapang-kapa na nila ang emosyon ng bawat isa at normal na lang ang pagbabahagi nila ng kanilang mga ‘yabang’ para makahila ng gusto nilang contestant.

And yes, grabe rin ang level ng husay ng mga host na sina Luis Manzano at Toni Gonzaga. Sa daldal nila at bilis magsalita, kailangan mo silang sundan para hindi ka mawaley sa kanilang okrayan. Kuwela rin ang tandem nina Alex Gonzaga at Robi Domingo bilang mga social media VJs dahil ibang klase rin ang harutan nila.

Kung matutupad ang goal nilang lampasan ang success ang season one pati na ng mas bonggang The Voice Kids, tiyak nating masusubaybayan sa mga susunod na episodes. Wish naming ma-feel every time na parang grandfinals ang show dahil nakaka-high talaga ang mapakinggan at mapanood ang kakaibang boses ng mga Pinoy!