Luho ng mga Sikat: US$50,000 ghost-detecting machine ni Lady Gaga

Masugid na naniniwala si Stefani Germanotta, a.k.a. Lady Gaga, sa mga bagay ukol sa supernatural. Ayon kay VH1, gumasta si Gaga ng US$50,000 para sa electro-magnetic field readers na ginagamit para sa pag-detect ng mga multo, na pinaniniwalaan naman ng kontrobersyal na mang-aawit na gumagala sa backstage ng kanyang mga concert venue. Syempre alam niya ito, lalo na sa paniniwala niyang siya ay reincarnation ng yumao niyang tiyahin.

”Pumanaw ang kapatid ng aking amang si Joanne noong 19 lang siya at ang aking ama 16,” sinabi niya sa Vanity Fair. “At nang ma-engage ang aking ina para magpakasal sa aking ama, nakatira sila sa bahay ng tatay ko, kung saan siya lumaki . . . Naniniwala akong dumating doon si Joanne at parang inaprubahan ang aking ina para sa aking ama at isinalin ni Joanne ang kanyang espirito sa aking ina . . . Kaya nang isinilang ako, para itong naging unfinished business ng tiyahin ko.”