Amer, Adeogun excited sa Hapee

PAGKATAPOS ng kanilang kampanya sa NCAA kung saan nagkampeon ang kanilang kolehiyong San Beda, handa na ang dalawang Red Lions na sina Ola Adeogun at Baser Amer sa kanilang bagong hamon sa PBA D League para sa Hapee Toothpaste.

Silang dalawa ay kasama sa anim na manlalaro mula sa SBC na inaasahang bibigyan ng lakas para sa Fresh Fighters sa pagsisimula ng Aspirants Cup mamaya.

Bukod kina Adeogun at Amer, ang iba pang mga Red Lions na kasama sa lineup ni coach Ronnie Magsanoc ay sina Ryusei Koga, Jaypee Mendoza, Art de la Cruz at Michole Sorela.

Naunang kinuha ng Fresh Fighters sina Chris Newsome ng Ateneo, Arnold Van Opstal ng La Salle, Bobby Ray Parks at Troy Rosario ng National University at ang mga dating beterano ng NLEX na sina Garvo Lanete at Kirk Long.

“We still need to work together as a team. A team that has a lot of stars but cannot work together will not win games,” wika ni Adeogun. “We don’t compete with each other and after my first practice, I can say that everything is good. I’ve played against AVO and Rosario in the summer leagues and they are good players.”

Samantala, pumirma na sa San Miguel Beer sa PBA ang dating Red Lion na si David Semerad pagkatapos na na-release siya ng Barako Bull.

(James Ty III)