HATAW! D'yaryo ng Bayan hatawtabloid.com
SPEAKING of Sofia Andres, siya ang na nag-iisang leading lady nina Inigo Pascual at Julian Estrada sa pelikulang Relax, It’s Just Pag-Ibig na idinirehe ni Antoinette Jadaone na mapapanood na sa Nobyembre mula sa Spring Films at Star Cinema. Support lang siya sa Forevermore na serye nina Liza Soberano at Enrique Gil at gagampanan niya bilang love interest ni Marco Gumabao.
Kaya namin ito nabanggit ay dahil pinagpilian pala sina Liza at Sofia sa Relax, It’s Just Pag-Ibig.
Kuwento mismo ng producer ng pelikula na si Cornerstone Talent Management honcho, Erickson Raymundo, “actually, pina-audition ko ‘yan si Liza, gustong-gusto ko siya kasi nga fresh looking, bagay na bagay kina Inigo at Julian, eh, at that time kasi medyo malamya pa, so hindi siya napili ng direktor.
“Sayang nga, kasi nakitaan ko na talaga siya, eh, ayaw ng direktor ko, ganoon naman talaga, hindi magkasundo ang producer at direktor, laging magka-away sa project, eh, wala naman akong magagawa kasi siya ang direktor.”
Oo nga naman, umikot lang ang mundo nina Liza at Sofia dahil sa Forevermore ay sumusuporta lang ang huli.
Halos ganito rin naman ang nangyari kay Sofia dahil support lang din siya sa She’s Dating A Gangster nina Daniel Padilla at Kathryn Bernardo, pero heto at bida naman siya sa Relax, It’s Just Pag-ibig.
Pero sa mga artistang taon na ang binibilang sa industriya ay hindi puwedeng parelax-relax kayo dahil maraming baguhang nagsusulputan na ngayon na mas napapansin sila kaysa inyo.
ni Reggee Bonoan
