Matteo, kimi sa isyung hinihigpitan sila ng ina ni Sarah

ni Roldan Castro

AYAW pa ni Matteo Guidicelli na makasama sa rom-con movie ang girlfriend niyang siSarah Geronimo. Hindi raw nila napag-uusapan at wala pa sa plano nila.

“As of now, hindi pa. Ayaw kong madala ‘yung trabaho namin sa personal life namin,” deklara ni Mat nang makatsikahan namin sa presscon ng Moron 5.2 The Transformation na showing sa Nov. 5 kasama sina Luis Manzano, Billy Crawford, Marvin Agustin, at Dj Durano.

Inurirat din siya kung totoong nagsawa na ba siya sa pagiging strict ni Mommy Divine, ina ni Sarah. Kailangan daw laging may kasama si Sarah ‘pag may date sila.

Ayaw niyang magkomento ng kahit ano tungkol dito at nagsabi siyang next time na lang niya sasagutin.

Hinuhulaan din na si Sarah ‘yung may cameo role sa Moron 5.2 na makakatuluyan niya pero itinanggi ni Matteo. Hindi raw part ito ng movie.

‘Yun na!